नेपाली काँग्रेसका केन्द्रीय सदस्य प्रदीप पौडेलले इदि अमिन र प्रधानमन्त्री केपी ओलीमा कुनै फरक नभएको बताएका छन् । तनहुँमा बुधवार प्रशासनले रोकेको पुल उद्घाटन कार्यक्रममा केन्द्रीय सदस्य पौडेलले ओलीले संविधान कानुन सबै आफै हुँ भन्ने अहम् देखाउन थालेको भन्दै इदि अमिन र उनीमा कुनै फरक नभएको बताए ।

उनले तनहुँका सीडीओ सागर आचार्यलाई तत्काल तनहुँबाट सरुवा मागेर जान पनि सुझाव दिए ।

सीडीओ आचार्यसँग सीडीओ हुने योग्यता नपुगेको आरोप लगाउँदै पाैडेलले भने, ‘सीडीओ साव अब तनहुँमा नबस्नुहोला । रामचन्द्र पौडेल जत्तिको मान्छेलाई मैले पुल उद्घाटन गर्नबाट रोक्न मिल्दैन भनेर माथिल्लो निकायमा भन्न सक्नुभएन । हिजो पुल उद्घाटन गर्नबाट रोक्न निषेधाज्ञा जारी गर्नुभयो, रामचन्द्र पौडेललाई पक्राउ गर्नुभयो । आज खै सकेको ? जनसागर देखेर डराउनुुभयो । त्यसैले तपाईसँग सीडीओ हुने योग्यता रहेनछ, अब तनहुँमा नबस्नुहोला ।’
उनले तनहुँका सांसद किसान श्रेष्ठ पञ्चायत र गणतन्त्रमा पनि नलडेको व्यक्ति भएकाे दावी गरे ।

तपाईको प्रतिक्रिया

RELATED POSTS