काठमाडौं । लोकप्रिय गायिका अञ्जु पन्तको स्वर रहेको ‘मैले रुँदा आँसु पुछ्थ्यौ, हाँस्दासँगै हाँस्थ्यौ’ बोलको गीत म्यूजिक भिडियोसहित सार्वजनिक भएको छ । हिराकाजी थापाको शब्द, नागेन्द्र श्रेष्ठको संगीत रहेको गीत चाँद सिंहले एरेन्ज गरेका हुन् ।

गीतको भिडियोमा आकाश श्रेष्ठ, समिक्षा पोखरेल, आलिशा बास्तोला, प्रविन डिसी, आरध्य खड्का, तपस अधिकारी लगायतको अभिनय देख्न सकिन्छ । काठमाडौँ उपत्यकाको विभिन्न रमणीय स्थलमा छायाँकन गरिएको भिडियो हिराकाजी थापाले नै निर्देशन गरेका हुन् ।

प्रेमिकाको धोका पछि प्रेमीको जीवनमा पर्ने असर भिडियोमा देखाउन खोजिएको छ । गौरव गिरीको कोरियोग्राफी, उत्तम हुमागाईको छायाँकन रहेको भिडियो अनिल रानाले सम्पादन गरेका हुन् ।

 

तपाईको प्रतिक्रिया

RELATED POSTS