काठमाडौं । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेपछि नेपाल कम्युनिस्ट पार्टी (नेकपा), नेपाली काँग्रेस र जनता समाजवादी पार्टी नेपाल एक ठाउँमा आइपुग्न बाध्य छन् । आज सिंहदरवारस्थित काँग्रेस पार्टीको संसदीय दलको कार्यालयमा तीनवटै पार्टीका शीर्ष नेताबीच भएको छलफलबाट प्रधानमन्त्री ओलीको सो कदमविरुद्ध संघर्ष गर्ने निर्णय गरेको छ ।

नेपालको राजनीति इतिहासमा यो अनौठो गठबन्धन बनेको हो । नेकपा नेतृत्वको सरकारका प्रधानमन्त्री ओलीले संसद विघटनका लागि गरेको सिफारिसविरुद्ध नेकपा नै सम्मलित गठनबन्धन बनेको जसले सो कदमको प्रतिवाद गर्ने निर्णय गरेको छ । ‘यो नेकपाविरुद्धको गठबन्धन होइन, ओलीविरुद्धको गठबन्धन हो,’ तराई मधेश राष्ट्रिय अभियानका संयोजक जेपी गुप्ताले भने, ‘यो गठबन्धन बन्नु स्वभाविक हो । जसपाले प्रचण्ड समूहले नेतृत्व गरेको नेकपासँग गठबन्धन गरेको छ जुन स्वभाविक हो किनभने त्यहाँ प्रचण्ड हुनुहुन्छ ।’

‘जसपा नेपालका अध्यक्ष उपेन्द्र यादव र प्रधानमन्त्री अ‍ोलीबीच दुरी बढेको छ । त्यसैले जहाँ प्रचण्ड रहनुहुन्छ, त्यही जसपा जान्छ । जसपा नेपालका अध्यक्ष महन्थ ठाकुर र राजेन्द्र महतोले प्रधानमन्त्री अ‍ोलीलाई मन पराए पनि प्रचण्डसँग गठबन्धन बनाउन बाध्य हुनेछन् किनभने उपेन्द्र यादवका अगाडि सो पार्टीमा अरु कसैको केही चल्दैन,’ उनले भने ।

जसपा नेपालका वरिष्ठ नेता राजेन्द्र महतो भने ओलीसँग गठबन्धन बनाउने मुडमा थिए । जसपा स्रोत भन्छ, ‘तर त्यसअघि नै जसपा नेपाल संघीय परिषद्का अध्यक्ष डा. बाबुराम भट्टराईलगायतका नेताहरु नेकपा (प्रचण्ड समूह) र काँग्रेससँग गठबन्धन बनाएका छन् ।

अध्यक्ष गुप्ताले भने, ‘नेकपा फुट्ने निश्चित छ, भोलि चुनावमा जाँदा जसपा र नेकपा (प्रचण्ड समूह) सँग चुनावी गठबन्धन बन्ने सम्भावना प्रवल छ । यो संसद विघटनको काँग्रेसले जति विरोध गरेपनि भित्रभित्रै खुशी छ, यही मौकाको खोजीमा काँग्रेस थियो ।’ नेकपामा देखिएको विवादका कारण काँग्रेस शक्तिशाली हुने लगभग पक्का देखिएको र त्यो अवस्थामा जसपासँग काँग्रेसले चुनावी गठबन्धन नबनाउन पनि सक्छने उनको भनाइ छ ,

जसपा र विभाजित नेकपाबीच एकीकरण हुने सम्भावना पनि त्यतिकै रहेको पनि जानकारहरुको दाबी छ । जसपा नेपालमा उपेन्द्र यादव, डा. बाबुराम भट्टराई, अशोक राई प्रचण्डप्रति सकारात्मक रहेका छन् । शुरुमा गठबन्धन बनाएर चुनावमा जानसक्ने र पछि एकीकरणको घोषणा पनि गर्न सक्ने विश्लेषकहरुको भनाइ रहेको छ ।

तपाईको प्रतिक्रिया

RELATED POSTS