काठमाडौँ। पर्याप्त निद्रा राम्रो स्वास्थ्यको लागि धेरै महत्त्वपूर्ण छ। सातदेखि आठ घण्टा गहिरो निन्द्रा लिन विशेषज्ञहरूले सुझाव दिएका छन्। दिउँसो सुत्ने बानीलाई स्वास्थ्यका लागि गलत मानिन्छ तर आजको समयमा धेरै मानिसहरु यस्ता छन् जो राती पर्याप्त निन्द्रा नपाउँदा दिउँसो सुत्ने गर्दछन्। दिउँसो सुत्ने मानिसहरूमा फ्याटी लिभर रोगको जोखिम बढ्छ। हालै गरिएको एक अनुसन्धानमा यो कुरा प्रमाणित भएको छ । यदि तपाई पनि दिनमा सुत्नुहुन्छ वा निद्रा लिनुहुन्छ भने यो रोग हुन सक्ने सम्भावना अधिक हुन्छ।
नयाँ अनुसन्धानले चेतावनी दिएको छ कि यदि कोही दिनको समयमा सुत्छ भने, उसलाई फ्याटी लिभर रोगको जोखिम बदना सक्छ। दिनमा ३० मिनेटभन्दा बढी सुत्ने, राति ढिलो सुत्ने र घुर्नेलाई पनि उच्च रक्तचाप हुने सम्भावना बढी हुन्छ। यसका साथै पुन: पुरानो रोगहरूको जोखिम पनि बढ्न सक्छ।
वैज्ञानिकहरूले यो पनि पत्ता लगाए कि दिनमा सुत्ने मानिसहरूलाई पनि सिरोसिसको समस्या हुन सक्छ। यसका लागि वैज्ञानिकहरूले त्यस्ता केहि मानिसहरूमा अनुसन्धान गरे जसको जीवनशैली ठीक थिएन र जसलाई फ्याटी लिभरको समस्या थियो।
अनुसन्धानकर्ताहरूले पत्ता लगाए कि खराब निद्राको गुणस्तर वा निद्राको कमीले फ्याटी लिभरमा मात्र नभएर अन्य धेरै रोगहरूको जोखिम बढ्न सक्छ र खराब निद्राको गुणस्तरले स्वास्थ्यमा नकारात्मक प्रभाव पार्छ। यो पनि पत्ता लागेको छ कि मोटो व्यक्तिहरू कम निद्रा वा दिउँसो सुत्नाले अधिक समस्या उत्पन्न गर्छ।
निद्राको गुणस्तर सुधारे मिल्छ लाभ
विज्ञहरूका अनुसार निद्राको गुणस्तरमा सुधार गर्नाले पुरुषहरुलाई हुने रोगको जोखिम पनि कम हुन्छ। “हाम्रो अनुसन्धानमा पत्ता लगेको छ कि निद्राको गुणस्तरमा सामान्य सुधारले फ्याटी लिभर रोगको जोखिम २९ प्रतिशतसम्म कम गर्न सकिन्छ,” डा यान लिउले भने।
चीनको ग्वाङ्झाउमा रहेको सन याट-सेन विश्वविद्यालयका शोधकर्ताहरूले भने, “हाम्रो अनुसन्धानले निद्राको गुणस्तरमा सामान्य सुधारले पनि अस्वस्थ जीवनशैली भएका मानिसहरूमा फ्याटी लिभर रोगको जोखिम कम गर्न मद्दत गर्छ ।” त्यसैले खराब निद्रालाई सच्याउने प्रयास गर्नुपर्छ ताकि यो रोगबाट बच्न सकोस्।
अनुसन्धानकर्ताहरूले थप भने, ‘कलेजोको आफ्नै समय हुन्छ। यदि तपाईंले कुनै पनि तरिकाले यसको काम गर्ने समयलाई रोक्न वा अवरोध गर्नुभयो भने, स्पष्ट रूपमा कलेजो क्षतिग्रस्त हुनेछ। वास्तवमा, निद्राको कमीले कलेजोमा मेताबोलिजम र बोसोको मात्रामा परिवर्तन गर्दछ। यदि कोहि एक रात पनि सुतेन भने कलेजोले ग्लुकोज उत्पादन गर्ने र इन्सुलिन प्रशोधन गर्ने क्षमता गुमाउँछ। यसले फ्याटी लिभरको जोखिम बढाउँछ।
