एजेन्सी । अनलाइन सेन्टिमेन्ट एनालाइसिस कम्पनी चेकब्रान्डका अनुसार प्रियंका चोपडाको ब्रान्ड भ्यालुु सलमान खान र अक्षयकुमारको भन्दा पनि धेरै छ । यो कम्पनीले फिल्मस्टारहरुको ब्रान्ड भ्यालुबारे विश्लेषण गर्ने गरेको छ । कम्पनीका अनुसार प्रियंका चोपडाको ब्रान्ड भ्यालु २ दशमलव ६५ अर्ब भारु छ । अक्षयकुमारको ब्रान्ड भ्यालु २ दशमलव ६० अर्ब भारु छ भने सलमान खानको ब्रान्ड भ्यालु २ दशमलव ५२ अर्ब भारु छ ।
त्यसैगरी दीपिका पादुुकोणको ब्रान्ड भ्यालु २ दशमलव ११ अर्ब भारु र शाहरुख खानको ब्रान्ड भ्यालु २ दशमलव ९ अर्ब भारु आँकिएको छ । कम्पनीले सामाजिक सञ्जालको इन्गेजमेन्ट र फलोअर्सका आधारमा यो ब्रान्ड भ्यालु तय गरेको हो । रिपोर्टअनुसार पछिल्लो तीन महिनामा सबैभन्दा ज्यादा ट्रेन्डिङमा अभिनेत्री कृति सैनन रहिन् ।
तीन महिनाको अवधिमा प्रियंका दोस्रो र आलिया भट्ट तेस्रो स्थानमा रहे । त्यसपछि अक्षयकुमार, सलमान खान, आमिर खान र शाहरुख खान टे«न्डिङमा रहे । कम्पनीले ट्वीटर, गुगल सर्च, विकी र यूट्युब टे«न्डका आधारमा यो तथ्याङ्क निकालिएको जनाएको छ ।
