एजेन्सी- अमेरिकी औषधि निर्माता कम्पनी जोन्सन एन्ड जोन्सनले कोरोना भाइरसविरुद्धको खोप परीक्षण रोकेको छ ।

खोप परीक्षण गरिएका एक व्यक्ति बिरामी भएपछि परीक्षण रोकिएको कम्पनीले जानकारी दिएको छ ।

‘खोप दिइएपछि एक जना बिरामी भएकाले हामीले अस्थायी रुपमा कोभिड–१९ खोपको सबै क्लिनिकल ट्रायल रोकेका छौँ, जसमा तेस्रो चरणको इन्सेम्बल परीक्षण पनि रहेको छ,’ कम्पनीले जारी गरेको विज्ञप्तिमा भनिएको छ ।

कम्पनीले करिब ६० हजार व्यक्तिलाई परीक्षणमा सहभागी गराउने बताएको थियो ।

अर्जेन्टिना, चिली, कोलम्बिया, मेक्सिको, पेरु, दक्षिण अफ्रिका, अमेरिकालगायतका मुलुकबाट परीक्षणमा सहभागी हुने व्यक्ति छनोट भइसकेको अवस्थामा खोपको असर देखिएपछि कोरोनाको भ्याक्सिन विकासमा ढिलाई हुने भएको छ ।

तपाईको प्रतिक्रिया

RELATED POSTS